لاالصين لاالمغرب مامسؤولين

على الأعراض الجانبية ديال لقاح بيونتيك

https://www.yabiladi.com/articles/details/102070/majorite-d-espagnols-estiment-maroc-complice.html

بمعنى آخر، إدا مات لك خوك أو موك أو تعطب لك الوالد بسبب هد اللقاح، كا يبقى لك حاجة واحدة: ترفع يديك  للسما  و تقول" إنا لله وإنا لله راجعون" وتزيد عليها كيما تعودوا يقولو المغاربة أمام الظلم والحكرة: "لاحول ولا قوة إلا بالله" والله ياخود فيهم الحق

أما الخرافة اللي اختارعها النظام واللي كا يقصد من خلالها إيهام المغاربة بللي اللقاح الصيني اللي أشباه الخبراء والعلماء المغاربة ماعارفين عليه حتى زبلة، غادي يتدار زعما لما يسمى بالصفوف الأمامية ديال المخزن، يعني الجدارمية والعسكر والسيمي والشيوخ والقياد والباشوات والمقدمية ورجال ونساء التعليم والصحة، راه هد الأسطوانة كاتشباه لداك الأغنية ديال نجاة عتابو اللي كاتقول فيها "هدي كدبة باينة" واللي طلعت فيها زبالة دالفلوس

أكيد ان البرصونيل ديال الصحة والتعليم غاديين يكويوهم بهد السم الصيني حيث الدولة المخزنية ما عندها ماتدير بهد المستخدمين ديال قطاعات مهمشة أصلا

 

لكن المرودة والدوزيام حلوف والحنوشة والبياعة اللي كايحميو الملك والمفسدين ديال الدولة البوليسية، من المستحيل يلقحوهوم والتصريح بالعكس ماهو الا مناورة اختارعوها المصممين ديال البروباكاندا الملكية باش يقنعوا الشعب المسحوق اللي غاديين يسمموه باللي زعما هد السم راه مضمون 100%. وراه غادي يداوي المغاربة كلهم

الحقيقة أن عدد المعاقين والمعطوببن غادي يضراب الرقم القياسي فالمغرب على

 إثر استخدام هد اللقاح

أما أعداد الشبان اللي غاديين يحرقوا لأروبا باش يهربو من هد اللقاح، فحدث ولا حرج

 

 ويكفي المغاربة أن اللقاح اللي مضمون من طرف العثماني اللي كايفتاح الروبيني باش يهبط الما، غادي يكون بالضرورة مضر لصحة الشعب المسحوق بحال الضرر اللي لحاق بالمغاربة من بعد صعود تماسيح وعفاريت البيجيدي للحكم. 

هادشي عارفو الملك والفاسدين اللي ضايرين بيه وعارفو حتى الشعب اللي غادي يدير السرفيس فحال قطيع ديال الحوالا فاتجاه المجزرة

والوقاحة الكبيرة أن الشعب غادي يؤدي باش يتسمم 2000 درهم (1000 فالتلقيح  الاول و1000 فالثاني) حيت تسميم المغاربة غادي يتدار على زوج ديال المراحل

 

السيد ماعندوش حتى باش يشري طرف دالخبز لولادو وغادي يفرضوا عليه يؤدي 4000 درهم، 2000 ليه و2000 لمراتو. وإدا كان عندو شي كنطيح بلا خدمة فالدار، حتى هو خصو يدبر ليه 2000 درهم.

هزو يديكوم معايا للسما وقولو: عاش الملك والصحراء مغربية، وإنا لله وإنا إليه راجعون، لاحول ولا قوة الا بالله والله ياخود فيهم الحق