.
...الانتخاب تابعو الحساب
رفيق وصديق، أثناء حياته القصيرة كان عبد الله عضوا للمكتب التنفيذي لأوطم وقيادي لمنظمة الى الأمام، اعتقل وعدب ونكل به أثناء سنوات الجمر والرصاص----------------قصيدة الانتخاب تابعو الحساب------
ياك جمعتونا في الزنقة
و خطبتو علينا فالحلقة
و قلتو ختارو هاد الورقة
لي علقتوها بالصقة
قلتوا تعيش قلتوا تبقى
وحلفتي بحلوفك لكبير
حتى تنادي بحق الفقير
وتكون خاوة وتكون قريب
وتكون صاحب وتكون حبيب
و شحال هضرتي كتيرة الهضرة
باش حنا ناخدو العبرة
نتيقو بيك نديروك رقيب
مولانا ومولاك هوى الحسيب
فوق منا عالم الغيب
و انتى القرآن فصدرك
و فايتنا بالتجاريب
تقت أنا وصوت عليك
و قلت كناصرك ونبغيك
و بالنية درت ايدي في ايديك
وعطيتك صوتي تضمن قوتي
و قوت لمساكن خوتي
أخوتي و خوت خوتي
ولا الحكام فايديك
يجري فحياتي أولى موتي
غير سمح ليا نقلول ليك كلمة
المقراطية خصها لخدمة
خصها لملاح و ناس صحاح
تزرع لخير تجني الرباح
ناس هدات راسها للشعب
ناوية تضيع و تتعدب
و حالفا ما تفرق هاد الدرب
تجني لخير تجني صلاح
تما العمل يولي كمال
تما الفلاح يولي عاقل
تما العاطل يولي راجل
تما مسكينا يرتاح
المقراطية خصها لخدمة
المقراطية خاصها لحكمة
باش تمحي ديك الضلمة
تمحي الجهالة تمحي لجراح
المقراطية صح و معقول
أللي بغى شي مايقول يقول
كل واحد منا مسؤول
و فعمالو يلقى لجواب
و يعرف باللي لينتخاب
اللي فات لبراح و غاب
راه مازال تابعوا لحساب
ولي دار الدنب يلازموا لعقاب
عبدالله الودان
Aucun commentaire:
Enregistrer un commentaire