المغاربة ديال الخارج....

 .

...مشاو فيها

https://www.google.com/amp/s/www.lalibre.be/regions/bruxelles/un-dixieme-de-la-population-bruxelloise-est-en-attente-d-un-logement-social-5f92ce249978e231397592c1%3foutputType=amp

طير ولا نزل، غادي تكون مضطر ومجبر كمغربي ساكن فالخارج باش تديكلاري الفلوس اللي عندك فالبنكا فالمغرب

لأن الدولة المغربية اللي كانت قبل 2019, موجودة فواحد اللأئحة رمادية اللي مصاوباها المنظمة الدولية للتعاون  والتنمية الاقتصادية , بحكم تهريب وتبيض الأموال من طرف بزناسا مغاربة كبار، خرجت من هد القائمة ودخلت فلائحة بيضا.

 لكن بأي ثمن؟

    

 هد المنظمة قبلت المغرب فهد اللائحة البيضا لما وافق ووقع  المغرب من خلال إتفاقية 2019 على تقديم كل المعلومات البنكية ديال المهاجرين ديالها للحكومات الأروبية 

بمقتضى هدا الإتفاق، جميع البلدان الأروبية غادية تعراف المبالغ المالية ديال المغاربة اللي محطوطة فالأبناك المغربية داخل المغرب

المغاربة غاديين يكونوا مطالبين إبتداء من شتمبر 2021, من طرف مكاتب الضرائب الأروبية باش يديكلاريو داك الفلوس إضافة للأملاك والمبالغ اللي حطينها فالأبناك الأروبية وغاديين يخلصو عليها الضريبة

اللي بغى يسلت وما يديكلاريش هد المبالغ اللي عندو فالمغرب غادي يؤدي واحد الغرامة ديال 1500 يورو

بالنسبة للبزناسا وصحاب الحشيش اللي عندهم أكثر من  100.000 يورو محطوطة فالأبناك المغربية، غاديين يخلصو إدا ماديكلاراوش هد المبالغ لمكتب الضرائب غرامة ديال 5000  يورو مصحوبة بعقوبة سجنية كايمكن توصال حتى 5 سنين ديال الحبس

المغاربة حاصلين قطي وماعنهوم فين يهربو: ياإما يديكلاريو بالفلوس اللي عندهم فالمغرب ياإما يخلصو غرامات مالية و يدخلو للحبس

كاين شي مغاربة زعما عايقين كايقولو بللي غادي يسحبو فلوسهم من الأبناك المغربية بسرعة باش مايديكلاريوش بها عند مكاتب الضرائب الأروبية

اللي قراه الديب قراه السلوقي: بالنسبة ل 2021, الأمر محسوم: حيث وخا العايق يخَرّْج فلوسو من البنكة المغربية، غادي يبقى الأثر ديالها عند هد البنكة اللي هي مجبرة تقدم كل المعلومات للسلطات المالية الأروبية بخصوص هد المبالغ

ايوا هانتَ خَرّْجتِ هد الفلوس من البنكة فالمغرب، فين غادي تديرهوم؟ وسط الحيط؟ فبير ديال الما؟ ولا فالسدارية؟

ولا غادي تعطيهم لشي واحد فالعائلة ديالك يخبيهم عندو؟. شوف واش يردهم ليك ولا لا

الحل الوحيد هو إيجاد صيغة توافقية مع السلطات المالية ديال البلاد اللي كايعيش فيه المهاجر فإطار قانون الصفح عن مهربي الأموال، اللي سميتو

 DLU (Déclaration libératoire unique)

من خلال هد الصيغة، كايؤدي الشخص اللي عندو الفلوس فالمغرب واحد المبلغ ديال 5% من مجموع الأموال اللي موجودة عندو فالبنكة

مثلا: شخص عندو 40000 يورو فبنكة مغربية، غادي يؤدي عليها مبلغ 2500 يورو لصالح مكتب الضرائب

خلافا لما يجري في أروبا،  اللي كاتسماح لكل واحد يخرج الأموال ديالو ويحولها لبلد اروبي آخر، المغرب اللي مازال عندو نظام ماقبل سقوط جدار برلين، ماكايسماحش للمهاجرين اللي عايشين فاروبا باش يخرجو فلوسهم من المغرب باتجاه بلدان القارة العجوز إلا بمبلغ محدود

بالتالي حتى إدا المغربي بغى يخرج فلوسو باش يحطهوم فبنك فرنسي، أو بلجيكي أو إسباني ماكايمكنليهش يقوم بهد الشي حيث مكتب الصرف الرسمي فالمغرب ماكايسماحش المغاربة يخرجو للخارج كثار من 10000 يورو

بخصوص العقارات، حتى هي مشمولة بهد الاتفاقية وغاديين يكونو المغاربة مضطرين يصرحوا بها ابتداء من 2022

 اما المغاربة اللي عندهم عقارات فالمغرب وكايتمتعوا بسكن اقتصادي فبلجيكا، كلهم غاديين يتطردو من هد السكن، لأن الدولة البلجيكية محتاجة لهد الشقق والمنازل باش تحل مشاكل الفقراء والمعوزين 

المغاربة هزهوم الما،  وعاش الملك

خلاصة الأمر: الدولة المغربية اللي هي فالحقيقة عصابة ولا كارطيل مافيوزي، خوات بالمشاركة ديال الخارج مند اعوام. والحجز ديالهوم    ومنعهم من مغادرة المغرب باتجاه بلدانهم الاروبية اثناء جائحة كورونا لخير دليل على هد الاستهتار ديال العصابة بحقوق ومصالح وكرامة مغاربة العالم

قبل ماتندمو، ديرو بحالي وتخلاو على الجنسية ديال المغرب وهنيو ريوسكوم