وليدات وأحفاد نبيلة منيب

 .

المروجين لفكرة الملك زوين واللي ضايرين بيه هما اللي خايبين

....https://rue20.com/322292.html

نبيلة منيب أثناء حضورها حفل الولاء وعيد العرش

الدكتور الهبيل اللي هراب ليه الفرياخ رشيد العمارتي

هد الاسابيع والايام الاخيرة، بانوا على مواقع التواصل الاجتماعي وخاصة اليوتيوب وتيكتوك شي كمامير جداد حتى واحد ماعراف شكون ختارعهم. لكن الصفة اللي كاتجماعهم هي تعياشت والله ينصر سيدهم

عندهم نفس الخطاب اللي كايتناولو حميد المهداوي، بمعنى انهم واعرين فمحاربة الفساد وففضح المفسدين والتوجه إلى الملك إلى درجة التوسل، لإنقاذ البلاد من الفساد اللي كاينخرها.

 الفساد اللي حسب هد الاوغاد كيوقف عند حدود اخنوش والمحيط ديالتو

الرقم واحد فهد الصنف الجديد هو واحد خونا من كندا سميتو حسب ماكايقول رشيد العمارتي

هد الشخص اللي كايعلن أمام الملأ انه عندو علاقات جد متشعبة مع أمراء مغاربة ومع موظفين ساميين فالامن والجيش وحتى مع بوتين وشخصيات نافذة من الدرجة العليا عبر العالم

كايصرح فكل تيكتوك كايسجلو بللي هو دكتور وطبيب وحاصل على دكتورة فالحقوق ومكافحة داء السرطان. وبللي هو كان رئيس قسم مستشفى كبير فباريس لعلاج داء السرطان (هد التصريحات موجودة فالصفحة ديالتو على ويكيبيديا)

الا انه وبعد تحريات بسيطة، بان لينا باللي هد الوغد مشعود وما حاصل حتى على شي دبلوم من هادوك الدبلومات اللي كايتكلم عليهم

مؤخرا بان فواحد الحلقة ديال المهداوي وهو كايقول بللي عندو وثائق خطيرة كاتأكد تورط اخنوش فتهريب الغاز الروسي بطريقة ملتبسة إلى إسبانيا من طرف شركة الوزير الاول وبللي هد الوثائق غادي يسلمها مباشرة لقضاة دوليين عندو علاقات معهم.

رشيد العمارتي العياشي جاب الديب من الزنيط

كايبدا كل تيكتوك ديالو بتوجيه البيعة ديالو "لسيدنا" والتوسل ليه من أجل محاربة الفساد.

العنصر الثاني اللي كايطلاق على القناة ديالو عنوان "تحدي" حتى هو عايش فكندا وكاينهج نفس الاسلوب " الملك زين وللي ضايرين بيه هما اللي خايبين"

غير وكان هد الشخص الثاني اللي ماكايطولش فالكلام كايبغي يبان بللي هو معقول ومثقف واطار على خلاف الهبيل الحماق ديال العمارتي

الشخصان عندهم نفس الخطاب اللي كايروج ليه المهداوي مند وقت طويل، لكن على خلاف العمارتي اللي كايبان فكل حلقة تيكتوك فكوستوم جديد، إما عصري اوتقليدي، مول قناة تحدي كايضهار ديما لابس قميجة عنقها مفتوح وبسيطة

الموضة اللي مكتسحة الساحة ديال العياشة الجدد من أصناف هد الزوج ديال الكنديين هي ترسيخ فكرة الملك المنقد من كل مايعانيه المغاربة من ظلم وحيف، عاهات اللي حسب هؤلاء، الملك خافية عليه وماعارفهاش (زاعما)

مؤخرا، صاحب تحدي كشف مزيان على وجهو مللي قال فواحد التسجيل بللي الحل الوحيد للخروج من الكوارث اللي كايعرافها المغرب هو المرور إلى ملكية برلمانية....نفس الشي اللي كاتقولو العياشة اليسارية نبيلة منيب