...إيوا فاينك الخوا
مللي كاتهضار مع الفقيان والعلماء على التمياك دالله على الضلم وتعدو والتجبر دالحكام والأغنياء وكروش الحرام، كايقولولك الله كايعراف شكايعمل والحق دالمضلومين والمزلوطين ماغاديشي يضيع فالآخرة
مزيونا هدي
نفس الجواب اللي كايدفعوهلك العياشة مللي كاتساقسيهوم على الملايار اللي كايتبرع بها محمد السادس على الكوحال والفلوس دالدهب ودالفوسفاط
باش كايجاوبوك؟ الملك كايعراف شكايعمل
الملك والله عندوم العياشة ديالوم
ايوا أربي: انتينا كاتقول خلاقتينا حازقين باش تجربنا وتشوفنا واش غادي نصبرو على الزلط والحزقا
داكور أسيدي. بلحاق هديك المرا اللي ماعندا ماتاكول وعايشا فالكاف وعطيتيها جوج دالعواول معاقين . حتى هي غادي تجربا وتشوفا واش كاتصبار نالمتحان ديالك؟
وديك الجوج دالعواول اللي معاقين دهنيا، حتى هما كاتجربوم وتمتاحنوم باش تشوفوم واش غادي يصبرو نالقدر ديالك
وديك الجوج دالعواول اللي معاقين دهنيا، حتى هما كاتجربوم وتمتاحنوم باش تشوفوم واش غادي يصبرو نالقدر ديالك
واهوما كاع ماعرفين شمن عالم موجودين باش يعارفوك كاتمتاحنوم
ماشي زعما انتينا قادر تخلقوم معاوطين وتعفيهوم من الإعاقة عاد تجاربوم وتمتاحنوم
وهادشي ماكايتعلقشي غير بالمسلمين وكايعانيو منو حتى الكوحال والنصارى فإفريقيا وفآسيا وفأوروبا. واش حتى هما كاتمتاحنوم باش تشوفوم واش غادي يصبرو باش يمشيو نالجنة
بلحاق فحال اللي كايقولو العياشة والعلاماء: الله كايعراف شنو كايعمل
وعلاش ماعاونتيشي الفلسطينيين اللي هما مسلمين وخليتي ليهود يطبزوهوم ويجوعوهوم ويغلقوا عليهوم قطاع غزة؟وينتهكو المسجد الأقصى؟
حتى هما كاتمتاحنوم. وعلاش بن سلمان خليتيه كايصول ويجول فالديار المقدسة ويجماع الفلوس على طهار الحجاج؟
فشي شكل هد المنطق اللي كاتتعامل به معالمضلومين مللي كانتصار عليهوم الطغاة والحكارة وولاد القحاب
زعما هادشي كلو باش تعطيهوم الجنة فالآخرة؟
علاش زعما ماتدوارشي معاهم شي شوييش فالدنيا باش بعيشو بشويش دالكرامة وتطحان ديك ولاد العاهرات ديال الحكام الزوامل أمثال ترامب وبن سلمان وكل رؤساء وملوك العرب ؟
كايضهارلي هد السبيكطاكل عاجبك مزيان وكايجيبلك البليزير قد الدنيا
بلحاق كيف ماكايقولو العلاما: انتينا كاتعراف شنوكاتعمل وحنا ناكلوها ونسكتو ومللي مانفهمو والو نقولو : لاحول ولا قوة الا بالله.
شحال عياو مايتوسلو ليلك الدراوش باش تاخد الحق فالحساوس اللي كايحكمو علينا بلا ماتاخد هد الحق
ايوا تحرك أخاي وعطينا رزقنا ولا غادي نضيفوك حتى انتينا على الامبرياليين والرأسماليين والإقطاعيين
Aucun commentaire:
Enregistrer un commentaire