مغاربة زيرو....

.

...اللي حرث الجمل دكو

ايها المناضلون ديال البيصارا دالخارج

https://bruxellois-surement.blogspot.com/2016/04/pour-letat-marocain-les-mre-sont-une.html

...شحال صداعتوا لينا ريوسنا بالخطابات الملكية اللي كاتأكد على حق المشاركة السياسية ديال مغاربة الخارج وتمثيليتهم فالبرلمان وفجميع مؤسسات الحكامة

 شحال شجعتو مغاربة العالم على الاستثمار واقتناء العقارات فالمغرب

شحال فتاخرتو بانتماءكم للمغرب وبالدفاع ديالكوم  على الوحدة الترابية وسبيتو البوليساريو والجزائر وبان كيمون وإفريقيا الجنوبية والسويد

شحال خرجتو  لشوارع باريس وببروكسيل وأمستردام ومدريد باش تشجعوا المنتخب الوطني وعطيتوه  ولادكوم يرفعوا الراية 

المغربية

شحال وشحال صايفطتو دالملايير عن طريق الأبناك المغربية

هدي 3 سنين خرج ليكوم بنكيران 

 فواحد الندوة نظمها مجلس الجالية فالخارج فيوم المهاجر و وقالكوم ماكاين لا انتخابات لا مشاركة لا علال القادوس واللي فشي بلاصة يقعد فيها ويصافطلينا الفلوس

طردوكوم وسبوكوم وأخيرا حبسوكوم فالمغرب ومنعوا عليكم الرجوع للخدمة ديالكوم والعودة عند ولادكوم فالخارج

وما بغيتوش تفهموا حيث مافيكم نفس وماعندكوم حتى وقية ولا غرام ديال الكرامة

وخداو ليكوم الديور والبارطمات ديالكوم ونصبوا عليكم ولا بغيتوا تفهموا بللي راكم سلعة رخيصة ما عندها حتى شي قيمة

واليوم كايخروج القزم بوريطة باش يقول ليكوم بللي داك مرحبا بكم فبلادكوم كانت غير 
كدبة باينة ديال نجاة عتابو

https://www.akhbarona.com/mobile/social/302776.html

ماكاين لامرحبا بيكوم ولا هم يحزنون

مافيا العقار غادية تضراب يدها مزيان هد العام وغاديا تستولي على عقاراتكوم بكل حرية 

ونتوما بقاو تناديو على الملك باش يحل ليكوم مشاكلكم

 غير عطيو التيساع للملك حيث السيد مريض وهدي 3 شهور ما بان

سمحولي على العبارة الشعبية وخا قاصحة : راكوم طلاعتو للملك فكروا وطلاعتو فالكر ديال الحكومة والأحزاب ولافونضاسيون حسن 2 وفكرالوزيرة المبخنقة ديال المغاربة دالخارج

وخا هكدا مازالين شي بعضين طامعين فشي التفاتة ملكية أو لشي استدعاء لحضور عيد العرش

غير كونو هانيين: عيد العرش ماكاينش هد العام حيث الملك مريض وولي العهد مازال تالف

عرافتو شنو غادي يجيكوم مزيان؟

 دفعو ليهم الباسبور الاخضر مادام اغلبكم عندهم الجنسية الاروبية وبيعوا داك العقارات اللي شريتوها فالمغرب بالفلوس ديال التعويضات العائلية اللي حرمتو منها ولادكم وخرجو فلوسكوم من الابناك ديال المافيا اللي كاتحكم فالمغرب

وخدموا المصالح ديال البلدان الديموقراطية اللي اعطاتكوم الحق فالعمل والتعويضات والمساعدات على كل أشكالها والجنسية ديالها وحق التصويت والترشح والعلاج من  المرض وتعليم أولادكم

ماتكونوش قلالين  الخير راه مابقاليكوم ماتنتاظروا من المافيا اللي حاكمة فالمغرب