المغاربة محافظين خوار...

.

...
وبلا قياس

سوا ء كانو افقراء ولا بخير ولا حتى خانزين فلوس، المغاربة كايكرهو التغيير

 .

ماشي غير على المستوى السياسي بل على جميع المستويات

المغربي المزلوط ماكايبغيش يبدل بلاصتو فالقهوة اللي مولف كايكلس فيها باش يتفرج فالريال ولا فالبارصا

وادا لقى شي واحد خايد ليه بلاصتو ماكايقبلش وكاينوضها صباط معاه

ادا مول الملبنة ديال الحي بدل اللون ديال الباب، المغربي كايمشي يشرب العصير فملبنة أخرى

حتى مللي كايمشي للبورديل، المغربي ماكايبغيش يبدل القحبة اللي مولف عليها

 حيث بالإضافة للعلاج ديالو من الكبث الجنسي، العاهرة كاتاخود الوقت باش تسمع ليه المشاكل ديالو بحال القس المسيحي اللي كايستقبل كل اسبوع المدنبين باش يسمع للخطايا ديالهوم ويعطيهم
المغفرة الالاهية

   
القحبة المغربية والقس المسيحي عندهم نفس الدور

هد القضية ماكاتعنيش غير النياكة المزلوطين

 حتى المرفهين عندهم قحبة اللي مولفين عليها واللي كاتعطيهم اكثر من السيكس

كانعرف واحد القحبة مغربية ببروكسل اللي عندها واحد الكليان من المغرب خامج فلوس

ايوا غير بشوية عليكوم: "ماتضنوش بللي انا عندي شي احتكاك مع لقحاب"

انا متأكد بللي المهنة ديالهوم شريفة وافضل بكثير 

 من المهنة ديال اخنوش و يتيم اللي هما ولاد القحاب

.

 المهم، كل شهرين كايزورها فبروكسيل اوكايبات عندها وغالبا كايبكي على صدرها مللي كايحكيلها المشاكل والهموم والدنوب ديالو

 هد السيد اللي كايجي من طنجة كل شهرين 

 كايموت على ديك الحقبةحيث بالاضافة للحوا 
اللي كاتتقنو، كاتاخود الوقت الكافي  باش تخليه يفراغ عليها قلبوا ويبكي على صدرها بحال شي دريري صغير

المغربي مولف على بلاصتو فالبحار ومولف على الكارصون اللي اللي كايسربيه فالبا ر و مولف على مشاهدة افلام البورنو مور الطناش دالليل وخا يكون عضو فالمجلس العلمي ديال  مدينتو

وضروري نهار الجمعة مايمشي فالصباح بكري للمقابر باش يزور يماه ولا باباه

المغربي وخا يكون كايشرب ولا كايكمي الغبرة أو كايبيع ليكستازي، ضروري  مايصلي الجمعة مع الجماعة

سياسيا المغربي مولف على المخزن وخا كايتكرفس عليه ويهرسلو قنوفتو ويكلسو على القرعة
  

 المغربي ضد الرشوة والمحسوبية لكن بلا ما يطلب ليه الجدارمي القهوة كايمدها ليه من تلقاء نفسه ومللي كايكون دايرالسرفيس مع عباد الله، كايفراح ادا عيطليه الموظف صاحبو باش يدوزوا قبل المواطنين   

المغربي متشبث بالعدرية ديال البنات قبل الزواج لكن ادا طاحت فيديه شي بنيتا وخا تكون مازالت قاصر، يطحانها ولاباس

كاينادي بمقاطعة دوزيم لكن كاتلقاه لاصق فمسلسل سامحيني ولا حريم السلطان ورشيد شو

المغاربة كيحسو بواحد الحنين  وواحد النوستالجية للعكاز ديال الفقيه دالمسيد وكايقولو فين داك الزمان اللي كان الرجل كا يملك الحق باش يسلاخ مراتو  فوقاش  مابغى

الملايين منهم كايتأسفو لداك الزمان اللي كانت فيه فرنسا حاكمة  المغرب وعدد كبير منهم متشوقين لعودة سنوات الرصاص والبصري والحسن الثاني حيث فنظرهوم المغاربة يخافو مايحشموا

كلهم باغيين عودة دولة الخلافة ولكن ماكرهوش يمشيو عند أنجيلا ميركل ولا تيريزا ماي

باختصار: المغاربة كايبغيو الماضي وحكم عمر ابن الخطاب  والملك المتجول والاستقرار 
والسجن للزفزافي والمهداوي

https://youtu.be/E9Rp-j36Rd0