...كلاها المغرب في يوم واحد في قضية الصحراء الغربية
محمد ستة والوزير ديالو بوريطة عياو مايفركلو باش يلويو اليد ديال اسبانيا ويرغموها على الإعتراف بالسيادة المغربية على الصحراء الغربية، لكن كيف ماكايقولو العواول فطنجة: "خْلاَتْ لوم فالسحاب وإسبانيا عملت لوم اللحية
ابراهيم غالي طار لإتجاه غير معروف وهو حر طليق.
وكان فالوداع ديالوا فمطار بامبلونة برلمانييين اسبان وشخصيات من وزارة الخارجية الاسبانية
ماخلاو ماعملو الفاشلين ديال محمد السادس والجوقة اللي دايرا بيه : جندو عياشة فإسبانيا باش يرفعو دعاوى ضد رئيس الجمهورية العربية الديموقراطية الصحراوية.
كل المحاولات خرجت لهوم فَالْصو. حيث إسبانيا كاتعراف شكاتعمل وكاتعراف القيمة الدنيئة ديال حكام المغرب
فالحقيقة، الطرق اللي كايستاخدموها أعضاء المافيا المخزنية فعلاقتهوم مع الخارج، ماكاتختالفش مع النمط ديال تعاملهم مع الشعب المغربي المقهور والمغلوب عن أمره
غير هد الطرق الفاشية ماكاتنجاحش مع بلدان ديموقراطية فيها الفصل بين السلط بحال اسبانيا وألمانيا
شحال قلناها وعاودناها: المافيا الحاكمة فالمغرب كانت دائما واقفة مور الانفجارات والهجمات الإرهابية اللي حصلت فالعديد من بلدان اروبا
اليوم مللي هد المافيا استفزت اسبانيا وأروبا بإرسال آلاف الشباب والأطفال والنساء لاختراق أبواب الدخول الى سبتة، الأمور اتضحت أمام كل الأروبيين
الشي اللي دفع أروبا باش تعبر على تضامنها المطلق مع إسبانيا أمام الابتزاز المخزني وباش تقول لمحمد السادس بللي راها عاقت بيه وبللي راه مابقالو فاين يتخبع
الضربة الثانية والقاتمة اللي وجهتها 27 دولة ديال الاتحاد الاروبي لمحمد السادس جات على لسان السيدة أورسولا فان ليين الألمانية، وزيرة خارجية الاتحاد الاروبي، اللي قالت بللي أروبا لم ولن تتزحزح عن موقفها بخصوص ملف الصحراء بالرغم من تهديدات المغرب الصبيانية
أشنو بقا للعياشة المغاربة مايقولو امام هد الفشلات المتراكمة؟
بقات ليهم داك الحموضية اللي كاتتمتل فالتهكم على إسم بن بطوش- علما أن العديد من المغاربة كايحملو اسم البوسقلاوي او الحمار بحال داك المديع الرياضي ديال الاولى
على أي حال، لو كنا فبلد كايحترم نفسو، كان على الملك الفاشل يقدم اعتدار للشعب امام هدا الكارثة وكان على بوريطة يتعزل من بلاصتو ويدخل لعكاشة بتهمة الخيانة العظمى
من بعد ماقَوّْت التواجد العسكري ديالها فسبتة ومليلية وكاناريا، اسبانيا مازالا غادية تاخد اجراءات أخرى لمعاقبة دولة الزريبة
القرار اللي خداتو بطرد آلاف عاملات الفراولة المغربيات وتعويضهم بجنايات من الهندوراس هو من بين التدابير العديدة اللي محطوطة على الطابلة الحكومية الاسبانية
المخزن نظام خاسر وفاشل وبدون اي استراتيجية لا داخليا ولا بالنسبة لعلاقتو مع دول العالم
استراتيجيتو كتنحصر فالتهديد بتدفق المهاجرين نحو بوابة اسبانيا، وبإغراق البلدان الاروبية بالمخدرات واستعمال سلاح الإرهاب من خلال زرع خلايا نائمة داخل اروبا
اروبا فطنت مزيان بهد الخبث ديال المافيا المغربية ومابقاتش مستعدة باش تقبل الاستفزازات المافيوزية المغربية
زوج ضربات قاصحين مازالين كايتسناو العصابة الفاشية المغربية
اللولى كاتتعلق بإصدار حكم المحكمة الاروبية فمنتصف يونيو الجاري بخصوص الدعوة اللي قدمها البوليساريو عند هد الطريبونال الاروبي واللي كاتتعلق بمنع السفن الاروبية من مزاولة الصيد فالمياه الصحراوية
والضربة الثانية كاتتعلق بمراجعة الوضع المتقدم اللي كايمتاز به المغرب عند الاتحاد الاروبي
فالحالة اللولى وفالملف الثاني، بلا شك المغرب غادي يخسار كل العلاقات اللي كانت كاتربطو مع الاتحاد الاروبي
حيث اكثر فأكثر من القادة الاروبيين طالع ليهوم الدم من التصرفات الخامجة ديال مول المضل
بالرغم من أنني ماشي من البشر اللي كايدعي للحرب والمواجهة العسكرية، الا انني كانظن باللي المغرب وخاصة العياشة ماغادي يدخلو فجواهم الا ادا كلاو شي طاحنة قاصحة من عند شي واحد من الجيران ديالوم
بلا شك، محمد السادس الملك المارق، كايقلب على شي ضربة من الخارج اللي غادية تطير بالحكم ديالو
Aucun commentaire:
Enregistrer un commentaire