الدعوة بك لله، سيدي زوكربيرك

   المشعودين والدجالين الجدد

فهد السنوات فين ماكان شي واحد هربلو النسر ولا  الفرياخ  ولا زهقتلو النقشة و مالقاش الخدمة أو كاياخود المساعدات الاجتماعية فإيطاليا ولا فكندا ولا فهلندة،  كاتلقاه اصبح نبي ولا زعيم ولا طبيب ولا محلل على صفحات العالم الافتراضي الأزرق واليوتيوب

مؤخرا خرج على زوار اليوتوب واحد الفينومين ضرباتو الشمس ضربة صحيحة حيث إدعى انه هو المسيح والإمام الخدر وأنه مكلف بمهمة هدفها اسعاد العالم وتعميم الرفاهية والحب عن طريق اباحة النكاح والويسكي والكوكاين

بالنسبة لهد المبوقل، باين أن  السنوات اللي قضاها داخل  المورسطان اللي كايتسمى العدل والإحسان خدمت عليه 

مزيان

تقريبا بحال هداك اللي كايسمي راسوكافر مغربي ولا نوستيك اللي حتى هو تكرفصو عليه داخل العصابة ديال صاحب القومة

كنا ولفنا الطبيب العسكري مول الصناتة، وبلقزيز ومارتو، والفحصي والعدراوي وعبد الرحيم من بريطانبا وبلال وعزوز وغيرهوم ممن يتقاضوا فلوس الضمان الاجتماعي من صناديق البلدان اللي عايشين فيها، واليوم خرج لينا واحد البهلوان اللي كايدعي النبوة

قبل كل شيء وما دمنا في الصعودالى قمم الحمق

و التسطية فأنا غادي نتوجه للمسيح الجديد وغادي نقولو: أنا ماأرسلتك 

لانبي ولا رسول"

 المهم، كبرها تصغار

من المشروع ان نتوقف بعض الوقت عند ظاهرة هؤلاء الانبياء والزعماء والفقهاء ونضيفو عليهم ساري كول والدكتورة حنان ونيبا وإيكش وداك الفقيه الشاب اللي سميتو عبد السلام اللي كايهضار مع مرسيديس،  لنتساءل حول من يقف وراء هده الظاهرة ومن يستفيد من تكاثر وازدحام هؤلاء المشعودين داخل الفايس وعبر اللايفات
والفيديوهات؟

علما ان ظاهرة الدجالين والمهدي المنتظر والإمام الخضر  وظهور الملك فالقمر  تظهر وتختفي حسب متطلبات الوضع السياسي بالمغرب وخاصة لما يصل الكلخ الشعبي الى الحضيض

على كل حال، كانطلب لهوم الشفاء والله يرد بيهم لطريق الخير. خصوصا بلقزيز اللي ماقادش يحل حتى مشكيلو مع مارتو وباغي يقلب النظام المغربي

إيوا سيرو تخدمو على راسكوم ولا غادي نتصل بزوكربيرك باش يزول ليكوم البزولة